💫Чырык чаагай Шагаавысты уткуп, база ада-огбелеривистиң сагып чораан онза чаңчылдарының бирээзи - чолукшулга.
Кожууннуң баштыңы В.В. Балчый, кожуун чагыргазының даргазы Б.М. Балбак база кожуун чагыргазының даргазының социал политика талазы-биле оралакчызы М.Л-К. Даспак Шагаа байырлалының бүдүүзүнде чолукшулга ёзулалын кылган.
Хоочуннарның арга-сүмезин дыңнап, опыт-дуржулгазын эдерип, кожууннуң сайзыралы дээш ажылдап каан хоочуннарны хүндүлеп чоруурун, олардан үлегер алырын чугаалавышаан, Шагаа байырлалы-биле байырын чедирип, кол-ла чүве кадыкты, аас-кежикти, ажы-төлү, уйнуктары өөртүп чоруурун күзээннер.
Улуг-Хемнин сайзыралы дээш эвээш эвес күштү мөөңнеп, шудургу ажылдап, арга-сумезин дараазында салгалдарга дамчыдып, улегерлиг, энерелдиг хоочуннарывыска, Шагаа таварыштыр быжыг кадыкшылды, өөрүшкүнү база узун назынны күзеп тур бис.